O logotipo de Mulleres Tudenses nace da unión de tres ideas que representan a esencia deste proxecto: unión, crecemento e identidade.

Unión
Os pétalos representan a mulleres diversas que se unen, se acompañan e se apoian. Cada unha é única, pero xuntas forman algo máis forte.

Crecemento
A folla simboliza o crecemento persoal e colectivo. Representa a evolución, as novas oportunidades e a vontade de seguir avanzando xuntas.

Identidade.
A forma do símbolo agocha de maneira sutil unha “M”, a inicial de Mulleres, converténdose nunha marca propia e recoñecible.

Un símbolo que nos representaUnha flor, unha folla e unha M que se unen para representar o que somos: mulleres diversas, activas e unidas, con raíces na nosa terra e mirada cara ao futuro.